Nurjan Nurjigitov Sý resýrstary mınıstri laýazymynda qaldy
ASTANA. KAZINFORM - Memleket basshysynyń Jarlyǵymen Nurjan Moldııaruly Nurjigitov Qazaqstan Respýblıkasynyń Sý resýrstary jáne ırrıgatsııa mınıstri laýazymyna taǵaıyndaldy.
Nurjan Nurjigitov 1967 jyly týǵan, bilimi joǵary.
1991 jyly Eńbek Qyzyl Tý ordendi Lenıngrad aýylsharýashylyq ınstıtýtyn «ınjener-mehanık», 2008 jyly Jambyl gýmanıtarlyq tehnıkalyq ýnıversıtetin «ekonomıka» mamandyqtary boıynsha bitirgen.
Tehnıka ǵylymdarynyń kandıdaty, Qazaq ulttyq agrarlyq ýnıversıtetiniń qurmetti professory.
Eńbek jolyn 1991 jyly Jýaly aýdany Maksım Gorkıı atyndaǵy kolhozynda mehanık bolyp bastaǵan.
Ár jyldary Tóle bı atyndaǵy agrobirlestiktiń bas ınjeneri, Jýaly aýdany ákimi apparatynyń mamany, bas mamany, bólim meńgerýshisi, Jýaly aýdany ákimdiginiń kásipkerlik bóliminiń basshysy, Jambyl oblysy ákimi apparatynyń bas ınspektory, bólim meńgerýshisi, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basshysynyń orynbasary, basqarma basshysy, Jambyl oblysy ákimdiginiń aýyl sharýashylyǵy basqarmasynyń basshysy, Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy qyzmetterin atqarǵan.
Baızaq aýdany ákimi qyzmetin atqardy.
2021 jyly Jambyl oblysy ákiminiń orynbasary. 2022 jyldyń sáýir aıynan bastap 2023 jylǵy qyrkúıekke deıin Jambyl oblysynyń ákimi qyzmetin atqardy.
2023 jyly qyrkúıekte Sý resýrstary jáne ırrıgatsııa mınıstri bolyp taǵaıyndaldy.
