Nurjan Muhamedjanova: Beıbit jınalystardaǵy jýrnalısterde redaktsııalyq tapsyrma bolýy tıis

NUR-SULTAN. QazAqparat – «Almaty» telearnasynyń bas dırektory Nurjan Muhamedjanova jýrnalısterdiń beıbit jınalystarda qyzmet etý qaǵıdalary jaıly pikirin bildirdi, dep habarlaıdy QazAqparat tilshisi.

«Bizdiń búgingi talqymyz Aqparat jáne qoǵamdyq damý mınıstrliginiń shynaıy ashyqtyǵyn aıǵaqtaı túsedi. Bul – óte ýaqtyly qolǵa alynǵan shara. Beıbit jınalystar kezindegi jýrnalısterge arnalǵan qaǵıdattar BAQ jumysy úshin úlken múmkindikterdi beredi. Buǵan deıin beıbit jınalystarǵa joldaǵan jýrnalısterimizdiń keıbiri júreksinetin. Al qazir tártiptiń bári de arnaıy erejelerde jazylatyn boldy. Óte durys baǵyttaǵy jumys degen oıdamyn», - dedi ol Aqparat jáne qoǵamdyq damý mınıstri Aıda Balaevanyń qatysýymen ótken onlaın kezdesýde.

Onyń aıtýynsha osy erejelerdiń bári de jýrnalısterdiń jumysyn jeńildetip, BAQ pen bılik, qoǵam arasyndaǵy órkenıetti qarym-qatynasty qalyptastyrady.

«Ekinshiden erejelerge mynadaı usynys engizilse deımin: jýrnalıst beıbit jınalystarǵa barǵan kezde keıdeshe pen ózge de aıyrym belgisimen birge redaktsııalyq tapsyrmany da alyp júrýi tıis. Sebebi ártúrli pozıtsııa bar. Bir komandada bolǵan kúnniń ózinde kózqaras ártúrli bolýy múmkin», - dedi ol.

Buǵan deıin habarlaǵanymyzdaı Aqparat jáne qoǵamdyq damý mınıstrliginiń Facebook-tegi paraqshasynda jýrnalısterdiń beıbit jınalystarda qyzmet etý qaǵıdalary talqylanǵan bolatyn. Onlaın kezdesý barysynd a BAQ basshylary beıbit jınalystarǵa qatysatyn jýrnalısterdiń quqyǵyn qorǵap, jumysyn júrgizýge qatysty birqatar usynysty ortaǵa saldy.