Nurjan Maqashbaev profı-rıngtegi ekinshi aıqasyn da teń aıaqtady

KEMEROVO. QazAqparat – Reseıdiń Kemerovo qalasynda ótken «Kýzbasstaǵy jekpe-jek» kásipqoı boks keshinde qazaqstandyq Nurjan Maqashbaev (0-0-1) óner kórsetti, dep habarlaıdy QazAqparat Sports.kz saıtyna silteme jasap.

Onyń qarsylasy profırıngte 8 aıqas ótkizgen reseılik Mıhaıl Lesnıkov (4-4, 1 KO) boldy. Birinshi orta salmaqtaǵy kezdesý alty raýndqa esepteldi jáne sońǵy dıstantsııasyna deıin ótti.Tóreshilerdiń sheshimimen jekpe-jek teń aıaqtaldy.

Osylaısha, Maqashbaev kásipqoı rıngte ótkizgen ekinshi aıqasyn da teń nátıjemen aıaqtap otyr.

«Bul – aýyr qarsylaspen, aýyr aıqas boldy. Biz óz oıynymyzdy ústem etýge tyrystyq, biraq qarsylastyń deńgeıi de joǵary bolǵandyqtan, ol óz boks stılin kórsetýge talpyndy. Bir jerlerde oǵan tótep bere aldyq, bir jerde qolymnan kelmeı qaldy. Múmkin teń oıyn bolǵan shyǵar – bul ádil sheshim», - dedi Lesnıkov týrnırden keıin.

Aıta keteıik, 23 jastaǵy qazaqstandyq debıýttik kezdesýin bıylǵy naýryz aıynda ótkizgen bolatyn. Reseılik Dmıtrıı Kýlokovpen (1-0-1, 1 KO) uıymdastyrylǵan aıqasta upaılar teń boldy.