Nurjan Kermenbaev Qazaqstan atynan «Eýrovıdenıe» baıqaýyna qatysýdy josparlaýda - BAQ
ASTANA. 29 qyrkúıek. QazAqparat - Ánshi Nurjan Kermenbaev Qazaqstan atynan «Eýrovıdenıe» halyqaralyq baıqaýyna baratyndardyń alǵashqysy bolýdy josparlaýda.
Bul týraly «Ekspress K» gazetinde jaryq kórgen «Mýzyka pop!» maqalasynda (avtor Maksım Pıchýgın) jazyldy.
Aıta keteıik, kelesi jyly bizdiń memleket áıgili «Eýrovıdenıe» án baıqaýyna qatysýy ábden múmkin. Dıma Bılan, Aleksandr Rybak, Rýslana jáne taǵy da basqa ánshilerdiń atyn tanytqan áıgili baıqaý qazaqstandyq óner ıelerin qabyldaýy múmkin. Bul jańalyqtan habardar bolǵan qazaqstandyq tanymal ánshi Nurjan Kermenbaev ózin «Eýrovıdenıe» baıqaýyna qatysatyn óner ıeleriniń biri ekendigin málim etti. Onyń sózine qaraǵanda, bul ánshiniń burynnan beri kókeıdegi júrgen armany eken. Ol halyqaralyq baıqaýdy baǵyndyrýdy kózdeýde. Aıta ketken jón, Nurjan «Arnaý» tobyndaǵy «áriptesi» Saltanat jaıynda tis jarmady. Budan tek óziniń kandıdatýrasyn usynýdy qalaıdy degen pikirge qalasyń...
