Nurzat Sabyrov «Taısonmen» jekpe-jekke shyǵady

NUR-SULTAN. QazAqparat – Kásipqoı boksta jeńilip kórmegen Nurzat Sabyrovtyń (10-0, 9KO) aldaǵy jekpe-jektegi qarsylasy aýysty, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasyndaǵy aqparatqa súıensek, N.Sabyrovtyń kelesi aıqasy 21 aqpanda Kanadanyń Rımýskı qalasynda ótetini josparlanǵan. Áý basta oǵan qarsylas retinde 35 jastaǵy argentınalyq Elıo German Rafael (15-3, 9KO) belgilengen bolatyn.

Endi BoxRec.com saıtynda onyń opponenti retinde Meksıka ókili «Taıson» laqap atymen belgili 30 jastaǵy Rıkardo Adrıan Lýna Flores (22-7-1, 14KO) kórsetilgen.

Kezdesý jartylaı orta salmaqta ótedi jáne segiz raýndqa eseptelgen.

Aıta ketsek, Flores 2014 jyly orta salmaqtaǵy WBA Regular chempıony japondyq Rıota Mýratamen (16-2, 13 KO) judyryqtasqan bolatyn. Onda tóreshilerdiń biraýyzdy sheshimimen jeńis R.Mýrataǵa berildi.

Buǵan deıin habarlaǵynymyzdaı, Nurzat Sabyrov Boxrec.com bedeldi saıtyndaǵy upaılarǵa sáıkes qazaqstandyq úzdik 10 boksshynyń qataryna endi.