Nurzat Sabyrov meksıkalyq boksshydan basym tústi
Búgin tańda Kanadanyń Shavıngan qalasynda ótken jekpe-jekte ol Meksıka ókili Gılermo Romeromen kúsh synasty. Buryn jartylaı aýyr salmaqta óner kórsetken Sabyrov osy jekpe-jek úshin arnaıy ekinshi orta salmaqqa túsken bolatyn.
Segiz raýndqa shaqtalǵan kezdesý merziminen buryn aıaqtaldy. Alǵashqy úsh raýnd boıy bir qalypty basymdyqpen judyryqtasyp otyrǵan N.Sabyrov tórtinshi raýndta birden qarqynyn arttyrdy. Qarsylasy onyń osy qysymyna tóze almaı, jekpe-jekti jalǵastyra almaıtynyn bildirdi. Nurzat Sabyrovtyń esebine tehnıkalyq nokaýt jazyldy.
N.Sabyrov osymen jetinshi jeńisine qol jetkizse, meksıkalyq boksshy jetinshi ret jeńilip otyr. Budan tys ol 12 kezdesýdi jeńispen aıaqtaǵan.
Eske sala keteıik, osy boks keshinde taǵy bir qazaqstandyq boksshy Sadrıddın Ahmedov ta qarsylasyn nokaýtpen jeńgen bolatyn.