Nurzat Sabyrov majarstandyq boksshyny nokaýtqa túsirdi

NUR-SULTAN. QazAqparat - Qazaqstandyq boksshy Nurzat Sabyrov (9-0, 8 KO) kásibı rıngte onynshy jekpe-jegin ótkizdi. Ol Tetfor Mındegi (Kanada) boks keshi aıasynda óner kórsetti, dep habarlaıdy Sports.kz.

Sabyrovtyń qarsylasy jeńilip kórmegen majarstandyq boksshy Laslo Tot (7-0, 6 KO) boldy. On raýndtyq aıqas «sýperorta» salmaqta ótti. Ekinshi raýndtyń basynda Nurzat qarsylasyn nokaýtqa túsirip, jeńimpaz atandy. Bul onyń kásibı rıngtegi onynshy jeńisi, al Majarstannan kelgen boksshy mansabynda alǵash ret jeńilis tapty.

Eske salaıyq, Nurzat Sabyrov 2017 jyldan bastap kásipqoı boksta óner kórsetip keledi.