Nurzat Sabyrov Kanadada ótken boks keshiniń juldyzy dep tanyldy

ASTANA. QazAqparat - Kanadanyń baspasózi Monrealdaǵy boks keshinde qazaqstandyq boksshy Nurzat Sabyrovtyń (9-0, 8 KO) jeńisin aıryqsha atap ótti, dep habarlaıdy QazAqparat Sports.kz silteme jasap.

Jetinshi raýndta Nurzat Sabyrov tehnıkalyq nokaýtpen argentınalyq Sesar Ernan Rınosony (15-12-4, 7KO) jeńdi.

«Nurzat Sabyrov - bul shoýdyń úzdik juldyzy. Bul óte jaqsy jetistik», - dep jazdy TVA Sports jýrnalısi Nensı Ode Týıtterdegi paraqshasynda.

Nurzat kásipqoı boksqa 2017 jyldyń maýsym aıynda ótti, sodan beri 9 ret jeńiske jetti. Boksshy segiz jekpe-jeginde qarsylasyn nokaýtqa jiberdi.