Nurymbetovtiń qabyldaýynda bolǵan azamattar qandaı máselelerdi kóterdi

NUR-SULTAN. QazAqparat – Búgin QR Eńbek jáne halyqty áleýmettik qorǵaý mınıstri Birjan Nurymbetov 8 adamdy qabyldady. Olardyń ishinde Nur-Sultan, Shymkent jáne Qaraǵandy qalalarynyń turǵyndary bar, dep habarlaıdy QazAqparat tilshisi.

Mınıstrlik baspasóz qyzmetiniń málimetinshe, Birjan Nurymbetovtiń qabyldaýynda bolǵan azamattar múgedektikti qaıta belgileý, jumysqa ornalasý, zeınetaqylar men áleýmettik tólemder berý, múgedekterdi áleýmettik qamsyzdandyrý, jalaqy tólemeý jáne jumysshylardyń eńbek quqyqtarynyń buzylýy sııaqty máselelerdi kótergen.

«Birjan Nurymbetov azamattardyń ótinishteri men usynystaryn muqııat tyńdap, barlyǵyna tolyqqandy jaýap berdi. Mınıstr qaraýǵa qosymsha ýaqyt talap etetin máselelerdi jeke baqylaýyna aldy. Sondaı-aq Birjan Nurymbetov Eńbek, áleýmettik qorǵaý jáne kóshi-qon komıteti men mınıstrlik departamentteriniń basshylaryna azamattardyń máselelerin qoldanystaǵy zańnama aıasynda sheshýge kómektesýdi tapsyrdy», - delingen vedomstvo habarlamasynda.