Nurymbetov Qazaqstanda jalaqynyń qalaı kóterilip jatqanyn aıtty

NUR-SULTAN. QazAqparat - Halyqtyń tabysyn arttyrý — búkil Úkimet jumysynyń basym baǵyty. Bul týraly QR Eńbek jáne halyqty áleýmettik qorǵaý mınıstrliginiń keńeıtilgen alqa otyrysynda vedomstvo basshysy Birjan Nurymbetov aıtty, dep habarlaıdy QazAqparat tilshisi.

Mınıstr óz sózinde halyqtyń tabysyn arttyrý búkil Úkimet jumysynyń basym baǵyty ekenin atap ótti.

«2019 jyldyń basynan bastap eń tómengi jalaqy mólsheri 1,5 esege – 28-den 42,5 myń teńgege deıin artty. Bul shamamen 1,3 mıllıon adamǵa, onyń ishinde 275 myń azamattyq qyzmetshige tikeleı áser etti. Maýsym aıynan bastap bıýdjettik sala qyzmetkerleriniń jalaqysy 30 paıyzǵa deıin ulǵaıdy. 1 mln-nan astam azamattyq qyzmetshi joǵary jalaqy aldy. Qyzmetkerdiń ortasha jalaqysy 114,5 myń teńgeni qurady», – dedi Birjan Nurymbetov.

Ol, sondaı-aq, 2020 jyldan bastap Memleket basshysynyń tapsyrmalaryn oryndaý maqsatynda mádenıet jáne arhıv qyzmetkerleriniń, pedagogterdiń jáne áleýmettik qyzmetkerlerdiń jalaqysy taǵy da orta eseppen 30 paıyzǵa artqanyn atap ótti.

«Sonymen qatar, 2019 jyly 205,6 myń jumys berýshi 1,2 mln-nan astam eńbekaqysy tómen qyzmetkerdiń jalaqysyn orta eseppen 32,7 paıyzǵa arttyrý mindetin óz moınyna aldy. Jalaqyny kóterý monıtorıngisi únemi júrgiziledi», – dedi mınıstr.