Nurtóre Júsip: Kitaphana isine qoldaý kórsetýi — keleshek úshin jasalǵan úlken ıgilik

ALMATY. QazAqparat - Qazaqstannyń eńbek sińirgen qaıratkeri, Qazaqstannyń qurmetti jýrnalısti, Qazaqstan Respýblıkasy Parlamenti Senatynyń depýtaty Nurtóre Júsip Prezıdenttiń búgingi Joldaýyna qatysty pikirin bildirdi, dep habarlaıdy QazAqparat tilshisi.

Senatordyń aıtýynsha, Qazaqstan Prezıdenti Qasym-Jomart Toqaev bıylǵy Joldaýynda mádenıet salasyna erekshe kóńil bólip otyr. Ol týraly óziniń Facebook paraqshasynda jazdy.

«Mádenıet, onyń ishinde Kitaphana mamandarynyń jalaqysyn 2022-2025 jyldary aralyǵynda ár jyly 20%-ǵa kóterý týraly naqty usynystar jasady.

Qazaqqa sanaly da sapaly urpaq kerek! Osy oraıda Memleket basshynyń kitaphana isine aıryqsha mán berip, qoldaý kórsetýi keleshek úshin jasalǵan úlken ıgilik!

Kitaphanashylar mártebesin kóterý - bilimdi urpaqqa jol ashý! Bizdiń birneshe márte osy másele týraly joldaǵan depýtattyq saýalymyz aıaqsyz qalmady. Prezıdenttiń óz Joldaýynda tikeleı qoldaý bildirýin jaqsy jańalyqqa balap otyrǵan jaıymyz bar!» - dep jazdy ol.

Esterińizge salsaq, búgin Qasym-Jomart Toqaev Parlamenttiń eki palatasynyń birlesken otyrysynda Qazaqstan halqyna jyl saıynǵy Joldaýyn jarııalady. Joldaýda Prezıdent elimizdiń áleýmettik-ekonomıkalyq damýynyń aldaǵy jylǵa arnalǵan basym maqsattaryn jarııa etti.

Avtor: Dýman Arǵyngeldi