Nurtaı Sabılıanov úrjarlyqtarmen kezdesti
ÚRJAR. QazAqparat - Búgin QR Parlamenti Májilisiniń depýtaty, Ekonomıkalyq reformalar jáne óńirlik damý komıtetiniń tóraǵasy Nurtaı Sabılıanov Úrjar aýdanynyń turǵyndarymen kezdesti, dep habarlaıdy QazAqparat tilshisi.
Ol Úrjar, Maqanshy, Baqty aýyldyq okrýgterinde bolyp, Prezıdenttiń 5 áleýmettik bastamasyn túsindirip, Májilistiń zań shyǵarý qyzmeti jóninde jan-jaqty baıandady.
«Májilis depýtattarynyń turǵyn úımen, jataqhanamen, ıpoteka qoljetimdiligimen qamtamasyz etý máselelerin udaıy túrde únemi kóterip keledi. Sondyqtan da biz Elbasynyń bes áleýmettik bastamasyn zor rızashylyqpen qabyldap, ony belsendi túrde júzege asyrýǵa árdaıym daıynbyz. Jańadan jataqhanalardyń salynýy jáne qoljetimdi ıpoteka myńdaǵan qazaqstandyqtyń turǵyn-úı máselesin túbegeıli sheshedi dep esepteımin», - dep atap ótti Nurtaı Salıhuly.
Bul eldegi qurylys salasynyń, qurylys materıaldaryn shyǵarý óndirisiniń damýyna aıtýly úles qosyp, zor múmkindik beredi.
Májilis depýtaty taǵy bir bastamanyń mańyzdylyǵyn atap kórsetti. Ol - bıznesti nesıelendirýdi damytý. Aımaqtarda shaǵyn kásipkerlik pen bıznesti damytý tek halyqty jumyspen qamtamasyz etip qana qoımaı, olardyń áleýmettik, rýhanı, ekonomıkalyq irgeli máselelerin sheshýge yqpalyn tıgizedi.
«Shaǵyn nesıeni arttyrý kásipkerliktiń damýyna yqpal etpek», - deıdi halyq qalaýlysy.
Kezdesý barysynda maqanshylyqtar shekaralyq aımaqtardyń erekshe nazarǵa alynýy boıynsha usynys-tilekterin aıtty.
Nurtaı Sabılıanov óz sózinde shekaralyq aýdandarǵa basymdyq berip otyrǵandyǵyn aıtty.
Jıynda aýdan ákimi Serik Zaınýldın Májilis depýtatyna Úrjar aýdanyna qoldaý kórsetip júrgenine alǵys bildirdi.
Aıta keteıik, erteńgi kezdesý Úrjar aýdanyna qarasty Qyzyl Tý, Eltaı, Salqynbel aýyldarynda jalǵasyn tappaq.
