Nurtaı Sabılıanov Shyǵys Qazaqstan oblysynyń turǵyndarymen kezdesýde

ASTANA. QazAqparat - 10 shildeden bastap Parlament Májilisiniń depýtaty, «Nur Otan» partııasy parlamenttik fraktsııasy jetekshisiniń orynbasary, Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov Shyǵys Qazaqstan oblysynyń eldi mekenderinde saılaýshylarmen  kezdesýler ótkizýde, dep habarlaıdy QazAqparat palatanyń baspasóz qyzmetine silteme jasap.

Eki kúnniń ishinde depýtat Aıagóz aýdanynyń Tarbaǵataı, Aqshy, Qaraǵash, Saryarqa, Barshatas, Qosaǵash, Madenıet, Aıǵyz aýyldarynda kezdesýler ótkizdi.

Kezdesýlerde N.Sabılıanov saılaýshylarǵa Qazaqstan Respýblıkasynyń Prezıdenti N.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» el halqyna joldaýynyń naqty baǵyttary, bılik tarmaqtary arasynda ókilettikterdi qaıta bólý máseleleri jónindegi zańdar jáne Memleket basshysynyń «Bolashaqqa baǵdar: rýhanı jańǵyrý» atty maqalasy týraly aıtyp berdi.

 Saılaýshylar óz kezeginde aýyl sharýashylyǵyn, kásipkerlikti damytý, mıkronesıeleý, aýyz sýmen qamtamasyz etý, kólik joldaryn jóndeý, eldi mekenderdiń ınfraqurylymyn damytý máseleleri, medıtsınalyq qyzmetter kórsetý sapasyn jaqsartý, halyqty jumyspen qamtý, áleýmettik qamsyzdandyrý, bilim salasyn jaqsartý, ınternet jelisi, áleýmettik nysandardy qurý týraly jáne basqa da máselelerdi kóterdi.

Saılaýshylardyń qoıylǵan suraqtaryna depýtat óz jaýaby men túsindirmesin berdi.

Sondaı-aq, kezdesýler barysynda májilismen azamattardy jeke máseleleri boıynsha qabyldady.

Kelesi kezdesýlerdi palata ókili Shyǵys Qazaqstan oblysy Aıagóz aýdanynyń Shyńqoja aýylynda, Aıagóz qalasynda, Jarma aýdanynyń Shar qalasynda jáne Qalbataý, Sýyqbulaq, Birlik, Jańǵyztóbe, Úshbıik aýyldarynda, Úrjar aýdanynyń Qaraqol, Sholpan, Joǵarǵy Eginsý, Aqshoqy, Qarabuta, Kóktal, Úrjar, Besterek, Jańa tilek aýyldarynda jalǵastyrady.