Nurtaı Sabılıanov aýyldardaǵy medıtsınalyq kómekke qatysty ózgeristerdi usyndy
«Óńirlerde saılaýshylarmen kezdesýler ótkizgende aýyldyq eldi mekenderde sapaly medıtsınalyq kómek kórsetý máselesi jıi kóterildi.
Parlament Májilisindegi «NurOtan» partııasy Fraktsııasynyń 2019 jylǵy 17 qańtardaǵy otyrysynda Densaýlyq saqtaý mınıstrligine turǵyndardyń sanyn, geografııalyq jáne tabıǵı klımattyq faktorlardy eskere otyryp, densaýlyq saqtaý uıymdary jelisiniń normatıvin qaıta qarastyrý usynyldy. Qazirgi kezde aýyldyq eldi mekenderde ambýlatorııalyq-emhanalyq kómek medıtsınalyq pýnktte, feldsherlik-akýsherlik pýnktte jáne dárigerlik ambýlatorııada kórsetiledi», - dep toqtaldy depýtat Májilistiń jalpy otyrysynda.
Bul rette qoldanystaǵy normatıvke sáıkes:
medıtsınalyq pýnkt halyqtyń sany 50 –den 800 adamǵa deıin;
feldsherlik-akýsherlik pýnkt - 800-den bastap 1500 adamǵa deıin;
dárigerlik ambýlatorııa - 1500 –den 10 000 adamǵa deıin bolatyn árbir eldi mekende (aýyldyq okrýgte) qurylady.
Statıstıka komıtetiniń aqparaty sáıkes, elimizde halyq sany 50-den asatyn aýyldyq eldi mekender sany 5691-di quraıdy. Solardyń ishinde tek 1087-sinde turǵyndar dárigerlik kómek ala alady.
«Bul jaǵdaıda, qalǵan aýyl turǵyndary turǵyndary sapaly medıtsınalyq kómekke qalaı qol jentkize alady? Joǵaryda aıtylǵandar negizinde, medıtsınalyq pýnkti halyq sany 50-den 300 adamǵa deıin, feldsherlik-akýsherlik pýnkti halyq sany 300 – den 500 adamǵa deıin, dárigerlik ambýlatorııany500-den 10 000 myń adamǵa deıin bolatyn árbir eldi mekende (aýyldyq okrýgte) qurý bóliginde densaýlyq saqtaý uıymdary jelisiniń normatıvine ózgeris engizýdi suraımyn», - dedi N. Sabılıanov.