Nurtaı Ábiqaev, Darıǵa Nazarbaeva, Qýanysh Sultanov І dárejeli Barys ordenimen marapattaldy
NUR-SULTAN. QazAqparat – Qazaqstan Respýblıkasynyń Prezıdenti Qasym-Jomart Toqaev Táýelsizdiktiń 30 jyldyǵy qarsańynda І dárejeli Barys ordeni ıegerlerin marapattady, dep habarlaıdy QazAqparat.
«Búgin eńbek ardageri, kórnekti melmeket jáne qoǵam qaıratkeri, belgili ǵalym Myrzataı Joldasbek pen tanymal aqyn Aqushtap Baqtygereeva jáne kórnekti jazýshy Sábıt Dosanov «Otan» ordenimen marapattalatyn boldy.
І dárejeli Barys ordenimen memleket jáne qoǵam qaıratkerleri – Nurtaı Ábiqaev, Darıǵa nazarbaeva, Qýanysh Sultanov jáne belgili ǵalym Tilektes Esbolov marapattaldy. Sondaı-aq, І dárejeli «Barys» ordeni «Zenıt» Oral zaýyty» AQ bas dırektory Vıacheslav Valıevke beriledi», - dedi Memleket basshysy memlekettik nagradalar ıegerlerin marapattaý rásiminde.
Sondaı-aq ENRC PLC kompanııasynyń aktsıoneri – negizin qalaýshy Aleksandr Mashkevıchke, Almaty qalasyndaǵy «Qazaqkontsert» memlekettik kontserttik uıymy» RMKK fılıalynyń dırektory Altynbek Qorazbaevqa, eńbek ardagerleri: N.Esenǵarın, T.Súleımenov jáne Z.Fedotovaǵa І dárejeli «Barys» ordeni berildi.
Aıta keteıik, Aqordada Memleket basshysynyń Jarlyǵymen elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin bir top azamat memlekettik nagradalarmen marapattaldy.
Buǵan deıin Prezıdent Qasym-Jomart Toqaev Táýelsizdiktiń 30 jyldyǵy qarsańynda el azamattaryna alǵys aıtqan edi.
Sondaı-aq elimizdiń eń joǵary ataǵy – «Qazaqstannyń eńbek eri» marapaty úsh adamǵa tabys etildi.
