Nurtas Ońdasynov týraly fılm kópshilikke jol tartty

NUR-SULTAN. QazAqparat - Youtube jelisinde Nurtas Ońdasynov týraly «Bılikten bıik tulǵa» derekti fılmi paıda boldy, dep habarlaıdy QazAqparat.

«Alyptar» serııasymen túsirilip jatqan derekti fılmder toptamasynyń bul jolǵy sany Nurtas Ońdasynovqa arnalypty. Fılmniń avtory - Nazgúl Ábýturapova. 2015 jyly túsirilip bastaǵan týyndynyń kópshilik nazaryna jol tabýyna Dúnıejúzi qazaqtary qaýymdastyǵy atsalysqan. Dúnıejúzi qazaqtarynyń qaýymdastyǵy tóraǵasynyń birinshi orynbasary Zaýytbek Turysbekov «Bılikten bıik tulǵa» fılminiń ıdeıasyn usynyp, túsirilimge qoldaý kórsetken.

«HH ǵasyr alyptarynyń ishinde Nurtas Ońdasynovtyń óz orny bar. Fılmde tarıhı tulǵanyń qyzmet joly men eldik jolyndaǵy kúresi erekshe tolǵanyspen baıandalady», - deıdi qaýymdastyqtyń baspasóz hatshysy Syrymbek Tóleýuly.

Onyń aıtýynsha, «Alyptar» toptamasyna «kisendeýli jolbarys» atanǵan Jumabek Táshenov, Qanysh Sátbaev, Shahmardan Esenov, sondaı-aq Ospan batyr Silámuly sııaqty tulǵalar týraly fılmder engen.