Nurtas Ájbenov profı-rıngte kezekti jeńiske jetti
Ol Anglııanyń Nıýkasl qalasyndaǵy Eagles Community Arena-da ótken boks keshinde óner kórsetti. Onyń qarsylasy reseılik Borıs Shıkýnov (1-1-2, 0 KO) boldy. Jeńil salmaqtaǵy kezdesý alty raýndqa esepteldi. Nátıjesinde, Ájbenov 58-57 esebimen jeńiske jetti.
Osylaısha, 24 jastaǵy Nurtas profı-rıngtegi besinshi jeńisine qol jetkizdi. Al Shıkýnov sporttyq mansabynda ekinshi ret jyǵyldy.
Aıta keteıik, qazaqstandyq boksshy MTK Global promoýterlik kompanııanyń qaramaǵynda. Kompanııa sondaı-aq tanymal brıtandyq sportshylar Bıllı Djo Sonders pen Taıson Fıýrıdiń múddelerine ókildik etedi.
Ájbenov 20 jastaǵy Borıs Shıkýnovpen jekpe-jek ótkizetinin buǵan deıin habarlaǵan bolatynbyz.
Otandasymyz tórtinshi jekpe-jegin Ýelstiń Kardıff qalasynda ótkizgen edi. Alty raýndtyq jekpe-jekte onyń qarsylasy 25 jastaǵy brıtandyq boksshy Krıs Adaveı (8-50-4, 1 KO) boldy. Kezdesý upaı sany boıynsha Ájbenovtiń aıqyn basymdyǵymen aıaqtaldy. Esep - 60-53.