Nurtas Ájbenov grýzııalyq boksshyny birinshi raýndta nokaýtpen jeńdi
NUR-SULTAN. QazAqparat – Elordadaǵy kásipqoı boks keshinde Nurtas Ájbenov (5-0, 1 KO) grýzııalyq Achıko Odıdadzeni (18-10-1, 7 KO) birinshi raýndta nokaýtqa jiberdi, dep habarlaıdy QazAqparat Qazaqstan kásipqoı boks qaýymdastyǵyna silteme jasap.
Qazaqstandyq bylǵary qolǵap sheberi 18 ret jeńiske jetken tájirıbeli boksshydan basym tústi. Jeńil salmaqtaǵy jekpe-jek «Barys-Arena» sport keshenindegi kásipqoı boks keshi aıasynda ótti. Aıqas 6 raýndqa shaqtalǵanymen, Ájbenov qarsylasyn birinshi raýndta-aq jer jastandyrdy.
24 jastaǵy Nurtas úshin bul – mansabyndaǵy altynshy jeńis. Kásipqoı boksta alty ret kezdesý ótkizgen jas boksshy jeńilistiń aşy dámin tatyp kórgen joq.
Aıta keteıik, Nur-Sultandaǵy boks keshin brıtandyq MTK Global kompanııasy men amerıkalyq Top Rank uıymdastyryp otyr.
