Nurtas Adambaı túsirgen fılmniń saýndtregi plagıat bolyp shyqty
«Samaıa Vyshka» áni - plagıat. Oǵan klıp túsirmes buryn biz jigitterden avtorlyq quqyq týraly surap edik. Olardyń bári oıdaǵydaı dep jaýap bergen bolatyn. Jýyqta YouTube jelisin aqtaryp otyryp, «Nurtas Adambaı neni jasyrady?» degen vıdeony kórip qaldym. Sodan keıin osy ándi oryndaıtyn jigitterdiń birneshe notany qaıta óńdeı salǵanyn ǵana bildim. Biraq, jigitter ándi alǵash shyǵarǵan kezde mine bizde osyndaı daryndar shyǵyp jatyr dep qýanǵanym esimde. Olaı bolmaı qaldy. Ókinishti-aq», - deıdi Nurtas Adambaı óziniń Instagram paraqshasynda.
Eske sala ketsek, áleýmettik jeliden atalǵan ánshilerdiń ánin estigennen keıin Nurtas Adambaı jas oryndaýshylardy seriktestikke shaqyrǵan bolatyn. «Men - Kúıeýmin» fılmine saýndtrek retinde shyqqan «Samaıa Vyshka» áni osy jyldyń naýryz aıynda prokatqa shyqqan. Keıin osy ánge klıp te túsirilgen edi.
