Nurtas Adambaı stsenarıı jazýshylarǵa baıqaý jarııalady
ASTANA. QazAqparat - «Nurtas Production» kınostýdııasy stsenarıı jazatyndarǵa baıqaý jarııalady. Bul jaıly akter, rejısser ári prodıýser Nurtas Adambaı Feısbýktegi paraqshasynda jazdy, dep habarlaıdy QazAqparat.
«Úzdik qatysýshyǵa «Nurtas Production» kınostýdııasynda jumys beriledi ári jeńimpazdyń stsenarıi boıynsha tolyqmetrajdy fılm túsiriledi», - deıdi Nurtas Adambaı.
Stsenarııshiler baıqaýy birneshe kezeńnen turady. 20 sáýirden 6 mamyrǵa deıingi 1-týrda qatysýshylardan ótinish qabyldanady.
Atap ótilgendeı, alǵashqy kezeńde fılmniń sınopsısin (shyǵarmanyń qysqasha sıpattamasy - avt) kelesi talaptarǵa saı etip jazý qajet:
1. Fılm ıdeıasyn barynsha ashýǵa, sol arqyly komıssııa músheleriniń nazaryn aýdarýǵa umtylý;
2. Sınopsısti bir A4 formatyna syıǵyzý (shrıfti - Times New Roman, kegli - 12);
3. Qoltańba: aty-jóni, jasy, qalasy, baılanys málimetteri.
Baıqaýǵa Qazaqstannyń kez kelgen qalasynan jáne TMD elderinen kámeletke tolǵan tulǵalar qatysa alady;
4. Durys jazylǵan jumysty (2-tarmaq) info.nurtaspro@gmail.com elektrondy poshtasyna jiberip, nátıjesin kútý.
Kelesi týrǵa ótken qatysýshylardyń aty jazylǵan tizim @nurtasadambay, @nurtasprochannel paraqshalarynda 2018 jylǵy 7 mamyrda jarııalanady.
Ekinshi kezeńniń sharttary nátıjeler jarııalanǵannan keıin aıtylady.
