Nurtan Ydyrysov Nıderlandtaǵy álem chempıonatynyń fınalynda óner kórsetti
ASTANA. KAZINFORM — Sporttyq gımnastıkadan Qazaqstan quramasynyń ókili Nurtan Ydyrysov Nıderlandtyń Rotterdam qalasynda ótip jatqan álem chempıonatynda jekeleı kópsaıystyń fınalynda óner kórsetti.
Alty snarıadtaǵy jattyǵýlardyń qorytyndysy boıynsha qazaqstandyq gımnast 74,397 upaı jınap, 24 fınalıstiń arasynda 23-orynǵa turaqtady.
Jarysta Japonııa ókili Daıkı Hasımoto 85,998 upaımen chempıon atandy. Qytaılyq ıAn Haonan 84,199 upaımen kúmis medalǵa ıe bolsa, Ulybrıtanııa sportshysy Djo Freızer 83,531 upaımen úzdik úshtikti túıindedi.
Aıta keteıik, Qazaqstan quramasynan Narıman Qurbanov at snarıadyndaǵy jattyǵýlardyń fınalynda óner kórsetedi.
Eske salaıyq, buǵan deıin sporttyq gımnastıkadan Rotterdamdaǵy álem chempıonatynda el namysyn kimder qorǵaıtynyn jazǵanbyz.
