Nursultanov pen Áshkeev AQSh-ta salmaq ólsheý rásiminen sátti ótti
ASTANA. QazAqparat - Búgin AQSh-tyń Ankasvıll qalasynda qazaqstandyq kásipqoı boksshylar Meıirim Nursultanov pen Madııar Áshkeev salmaq ólsheý rásiminen sátti ótti, dep habarlaıdy QazAqparat tilshisi.
Qos jerlesimizdiń kezdesýi Astana ýaqytymen erteń, ıaǵnı 16 sáýir kúni tańerteń ótedi.
Meıirim Nursultanov (1-0) meksıkalyq Haver Olveramen (1-0, 1 KO) alty raýndqa sozylatyn kezdesýge shyǵady. Boksshylar orta salmaq lımıtine laıyq boldy (160 fýnt - 72,6 keli).
Al ekinshi otandasymyz Madııar Áshkeev (7-0, 3 KO) amerıkalyq Shon Kemeronmen (10-2, 5 KO) judyryqtasady. Ekeýi de birinshi orta salmaqqa laıyq boldy (154 fýnt - 69,9 keli). Jekpe-jek segiz raýndqa josparlanǵan.
Aıta keteıik, bul boks keshiniń basty jekpe-jegi kýbalyq Salıvan Barrera (18-1, 13 KO) men AQSh boksshysy Pol Parkerdiń (8-1, 4 KO) arasynda ótedi.
