Nursultan Tursynov grek-rım kúresinen Azııa chempıonatynda qola júldege ıe boldy
ASTANA. KAZINFORM - Grek-rım kúresinen Qazaqstan quramasynyń balýany Nursultan Tursynov Bishkek qalasynda (Qyrǵyzstan) ótken Azııa chempıonatynda qola júldeger atandy.
QR Ultty olımpıadalyq komıtetiniń habarlaýynsha, 87 kelige deıingi salmaqta úshinshi oryn úshin ótken beldesýde Tursynov túrikmenstandyq Dovletmurat Baıramovpen kezdesti.
Qazaqstandyq balýan qarsylasyn merziminen buryn jeńip, qurlyq birinshiligin qola medalmen aıaqtady.
Aıta keteıik, búgin, 7 sáýirde Qaharman Qısymetov (77 kelige deıin) te qola júlde úshin beldesken edi. Alaıda ol ózbekstandyq Donıerhon Nakıbovqa ese jiberdi.
Osyǵan deıin qazaqstandyq balýannyń Azııa chempıonatynyń fınalyna shyqqany týraly jazdyq.
