Nursultan Nazarbaevtyń týǵan aýylynda «Atameken» ortalyǵy ashyldy
"Atameken" tarıhı-mədenı ortalyǵynda QR Tuńǵysh Prezıdenti - Elbasynyń qory men kitaphanasy, Tuńǵysh Prezıdenttiń mýzeıi, Prezıdent Іs basqarmasy, QR Ulttyq kitaphanasy, Shamalǵan aýylynyń mektep-mýzeıi, Qarasaı aýdandyq tarıhı ólketaný mýzeıi bergen qujattar, kitaptar, fotomaterıaldar jınalǵan.
"Elbasynyń dana basshylyǵynyń arqasynda Təýelsiz Qazaqstan shırek ǵasyrda birligi men berekesi jarasqan, ekonomıkasy qýatty memleketke aınaldy. Osy rette "erim deıtin eli bolmasa, elim deıtin er qaıdan bolsyn" degen sóz eske túsedi. Búgin Elbasynyń kindik qany tamǵan jerde Rýhanı jańǵyrýdyń "Týǵan jer" baǵdarlamasynyń aıasynda tarıhı-mədenı ortalyq ashyldy. "Atameken" kesheni óskeleń urpaqqa ónege berer mańyzdy oryn bolary ras", - dedi Almaty oblysynyń əkimi Amandyq Batalov.
Shara Almaty oblysynyń ákimdigi jáne QR Tuńǵysh Prezıdenti - Elbasy qorynyń qoldaýymen uıymdastyryldy.
Ortalyq uıymdastyrýshylarynyń maqsaty qazaqstandyqtar arasynda Elbasynyń shyǵarmashylyq jáne saıası jolyn keńinen nasıhattaý, sondaı-aq Prezıdenttiń ómiri men qyzmetiniń aıshyqty úlgileri negizinde jastardyń patrıottyq tárbıesin kúsheıtý.
Jańa ortalyqta eksponattar N.Á. Nazarbaevtyń ómiri men qyzmetiniń, Qazaqstan Respýblıkasynyń qalyptasýy men damýynyń negizgi kezeńderine sáıkes hronologııalyq retpen ornalastyrylǵan. Bul Ortalyqqa kelýshilerge qazaqstandyq memlekettiliktiń qaıta jańǵyrýy protsesindegi, ekonomıkadaǵy jáne áleýmettik saladaǵy, tarıhı damýdaǵy túbegeıli tereń ózgeristerdi ótkerýdegi jáne Qazaqstannyń HH jáne HHІ ǵasyrlar sheńberinde halyqaralyq bedeliniń nyǵaıýyndaǵy Elbasynyń aýqymdy úlesin, róli men eńbegin kózbe-kóz baǵalaý múmkindigin týdyrady.
Birinshi zalda bolashaq Memleket basshysynyń balalyq jáne jasóspirim jyldaryna, eńbek jolynyń bastalýyna arnalǵan ekspozıtsııa ornalasqan.
Ekinshi zaldyń eksponattary Elbasynyń odaqtyq respýblıka basshysy qyzmetterin atqarǵan jáne táýelsiz Qazaqstannyń búkil halqy Tuńǵysh Prezıdent etip saılaǵan kezeńderge jatady.
«Atameken» ortalyǵynyń úshinshi zaly Elbasynyń basshylyǵymen iske asyrylǵan aýqymdy qaıta qurýlarǵa, Qazaqstan Respýblıkasy Táýelsizdiginiń shırek ǵasyryndaǵy damý qorytyndylaryna arnalǵan. Sondaı-aq, munda N.Á. Nazarbaevtyń týǵan aýyly Shamalǵanǵa ár jyldary barǵan sátteri týraly fotomaterıaldar da bar.
Tórtinshi zalda Elbasynyń syrtqy saıasattyq qyzmeti - Astanada ótkizilgen sammıtter jáne «EKSPO-2017» kórmesin qosa alǵandaǵy iri halyqaralyq sharalar, Qazaqtardyń Búkilálemdik quryltaıy, shetelderdiń memleket jáne úkimet basshylarynyń resmı kelgen saparlary týraly materıaldar ornalastyrylǵan.
Elbasyna sheteldik kóshbasshylar tartý etken hattamalyq syılyqtar úlken qyzyǵýshylyq týdyrady. 
«Atameken» ortalyǵynda Prezıdent eńbekteriniń, sondaı-aq túrli avtorlar jazǵan Elbasynyń joly týraly kitaptardyń úlken toptamasy jınaqtalǵan.
Ortalyqqa kireberiste Qazaqstan Respýblıkasy kartasynyń aıasynda tanymal músinshi Shamıl Qojahanov oryndaǵan qola kompozıtsııa ornalastyrylǵan.
QR Tuńǵysh Prezıdenti - Elbasynyń qory ortalyqty saltanatty ashý barysynda erekshe syı - memleket Basshysy paıdalanǵan úkimettik avtomobıldi tartý etti.
QR Tuńǵysh Prezıdenti - Elbasy qorynyń atqarýshy dırektory Qanat Jumabaev atalǵan sharaǵa qatysty pikir bildirdi.
«Biz búgin tarıhı máni bar úlken oqıǵaǵa kýá bolyp otyrmyz. Bul kún barlyq qazaqstandyqtar úshin eleýli kún, óıtkeni Elbasy Nursultan Ábishuly Nazarbaev - qarqyndy áleýmettik-ekonomıkalyq jáne saıası damýy bar memlekettiń biregeı úlgisin jasaǵan zamanymyzdyń tanymal memlekettik jáne saıası qaıratkeri. Elbasy sekildi tarıhı tulǵa - bizdiń jastarymyz teńelýge tyrysyp, ózderi úshin durys baǵdar belgileýiniń, elikteýiniń aıshyqty úlgisi, al onyń ıdeıalary men eńbeginiń jemisi halyq ıgiligine aınalýǵa tıis», - dedi ol.
