Nursultan Nazarbaevtyń «Táýelsizdik dáýiri» kitaby - ómir entsıklopedııasy
«Bul kitapty zamana qujaty desek artyq aıtqandyq emes. Shyn máninde ol ómir entsıklopedııasy. Odan buǵan deıin oryn alǵan, búgingi kúni oryn alyp jatqan barlyq oqıǵalardy oqýǵa bolady. ıAǵnı, biz osy dáýirdiń, Táýelsizdik dáýiriniń qatysýshylarymyz. Nursultan Nazarbaev óz kitabynda qazirgi Qazaqstannyń tarıhyn qalamgerlik sheber talantpen sıpattap bergen. Prezıdentti óz zamanynyń shejireshisi de atasaq laıyqty»,- dedi Anatolıı Bashmakov.
Onyń aıtýynsha, kitap ádebı ári pýbıtsıstıkalyq turǵyda kásibı, jandy, anyq, jan-jaqty jazylǵan.
«Táýelsizdik dáýiri» kitaby saıası antologııa bolyp tabylady. Onda Prezıdenttiń erterektegi jáne qazirgi sóz sóıleýleri men jarııalanymdary jınaqtalǵan. Nursultan Nazarbaev óz kitabynda óte kúrdeli, aýyr kezeńniń kýágeri retinde pikir bildiredi. 508 bettik kitap 4 bólimnen jáne 33 taraýdan turady», - dedi ol.
A.Bashmakovtiń aıtýynsha, qazaq jáne orys tilderinde jaryq kórgen kitap taıaý arada elimizdiń barlyq óńirlerine jetkiziletin bolady.
Aıta keterligi, búgin L.Gýmılev atyndaǵy Eýrazııa ulttyq ýnıversıtetinde Memleket basshysy Nursultan Nazarbaevtyń «Táýelsizdik dáýiri» kitabyn talqylaýǵa arnalǵan Qazaqstan halqy Assambleıasy kafedralary respýblıkalyq qaýymdastyǵynyń keńeıtilgen otyrysy ótken bolatyn. Sharada Qyzylordadan tikeleı beıne baılanysqa shyqqan Qyzylorda memlekettik ýnıversıteti QHA kafedrasynyń meńgerýshisi, tarıh ǵylymdarynyń kandıdaty Nurlybek Myńjas elimizdiń joǵary oqý oryndarynda oqytylatyn «Rýhanı jańǵyrý» pánine Abaıdyń qara sózderi men Elbasynyń «Táýelsizdik dáýiri» kitabyn engizýdi usyndy.
