Nursultan Nazarbaevtyń maqalasy adamzat tarıhynyń jańa paraǵyn bastaıdy - arab sarapshysy
Máshhúr Ábý Aıt Iordanııa Energetıka jáne mıneraldyq resýrstar mınıstrliginiń spıkeri ári Iordanııa memlekettik «Petra» aqparattyq agenttiginiń jýrnalısi. Ol bizdiń elge birneshe ret saparlaǵan, sonyń ishinde sheteldik jýrnalısterge arnalǵan baspasóz týry aıasynda, sondaı-aq 2015 jyly Qazaqstanda ótken prezıdenttik saılaýdan jáne EKSPO-2017 kórmesinen aqparat taratýǵa kelgen.
«Prezıdent Nursultan Nazarbaevtyń maqalasy adamzat tarıhyndaǵy jańa paraqty bastap, Ortalyq Azııa tarıhynyń árbir mańyzdy kezeńine ekpin beredi. Bul bastama zertteýshilerge jáne álemniń túkpir-túkpirindegi kóshpendilerdiń ómirine qyzyǵýshylyq tanytqandarǵa kóshpeliler órkenıetin, onyń mádenı negizi men adamzatqa qaldyrǵan murasyn tanýyna múmkindik beredi », - deıdi Máshhúr Ábý Aıt.
Sarapshynyń aıtýynsha, ejelgi kezeńderde atty qolǵa úıretý, ony áskerı jáne beıbit maqsatta paıdalaný, at arqyly Ortalyq Azııada uly jeńisterge qol jetkizý, sondaı-aq metall men altyn óndirý, óńdeý - adamzat tarıhyndaǵy mańyzdy kezeńderdiń biri bolyp tabylady.
Máshhúr Ábý Aıt atap ótkendeı, Elbasynyń maqalasy arqyly qazaq kóshpendiler órkenıetiniń adamzatqa jáne onyń damý kezeńine yqpal etken áserin álemge pash etedi. Osy arqyly ata-babalarynyń - saqtar men ǵundardyń, erkindikti súıetin batyr halyqtyń ótkenin tanýǵa zor áserin tıgizedi.
«Prezıdent Nursultan Nazarbaev óz tarıhyn baǵalaıtyn halqyna úndeý tastap, óz eliniń bolashaǵyna zor úmit artyp otyr. Óıtkeni, ótken tarıh úshin maqtanysh sezimmen bolashaqqa baǵa berý el jetistiginiń mańyzdy bir elementi bolyp sanalady. Osyndaı qulshynysy bar halyq óz mádenıetin saqtaı otyryp eshqashan joǵalmaıdy, ǵasyrlardyń tórinde adasyp ketpeıdi», - deıdi arab sarapshysy.
Avtory Rızabek Jumajanov