Nursultan Nazarbaevtyń atyna Horvatııanyń burynǵy Prezıdentinen jedelhat kelip tústi

NUR-SULTAN. QazAqparat - Elbasynyń atyna Horvatııanyń Respýblıkasynyń burynǵy Prezıdenti Stepan Mesıchten jedelhat kelip tústi. Bul týraly QazAqparat elbasy.kz saıtyna silteme jasap habarlaıdy.

Stepan Mesıch Qazaqstannyń Tuńǵysh Prezıdentine koronavırýs juqtyrýyna baılanysty tezirek saýyǵyp ketýine tilektestik bildirdi.

«Sizdiń syrqattanyp qalǵanyńyz týraly habardy alańdaýshylyqpen qabyldadym.

Shyn júrekten tezirek tolyq saýyǵyp ketýińizdi, kúsh-qaırat pen sarqylmas optımızm tileımin», - delingen jedelhatta.

Aıta keteıik, Elbasynyń baspasóz hatshysy Aıdos Úkibaı Qazaqstannyń Tuńǵysh Prezıdenti – Elbasy Nursultan Nazarbaevtyń Covid-19-ǵa tapsyrǵan synamasy oń nátıje kórsetkenin habarlaǵan edi.