«Nursultan Nazarbaevqa dıplomatııa syılyǵy tapsyryldy» - respýblıkalyq basylymdarǵa sholý

«Aıqyn» gazetiniń jazýynsha, Qazaqstan Prezıdenti Nursultan Nazarbaev Vashıngtonda ıadrolyq qaýipsizdik jónindegi jahandyq sammıtke qatysýshy birqatar memleketterdiń basshylarymen kezdesý ótkizgen. Basylym bul jaıynda Memleket basshysynyń baspasóz qyzmetine silteme jasap habarlaıdy.
«Nursultan Nazarbaev Reseı Federatsııasynyń prezıdenti Dmıtrıı Medvedev jáne Ýkraına prezıdenti Vıktor ıAnýkovıchpen arada bolǵan úshjaqty kezdesýge qatysty. Sondaı-aq Frantsııa prezıdenti Nıkolıa Sarkozımen ózara múddeli dep tanylǵan qazaq-frantsýz yntymaqtastyǵynyń búkil baǵyttaryn keńeıtý máselelerin talqylady», dep jazady «Aıqyn» gazeti. Sonymen qatar Elbasy Japonııa premer-mınıstri ıÝkıo Hataıamamen, Iordanııa koroli Abdalla І-men, AQSh vıtse-prezıdenti Djozef Baıdenmen, Armenııa prezıdenti Serj Sargsıanmen, MAGATE-niń bas dırektory ıÝkııa Amanomen, AQSh prezıdenti Barak Obamamen júzdesken. Memleket basshysynyń AQSh-taǵy resmı sapary haqynda keńinen oqyǵyńyz kelse «Nursultan Nazarbaevqa dıplomatııa syılyǵy tapsyryldy» degen taqyryppen berilgen maqalaǵa nazar aýdaryńyz.

Elbasynyń AQSh-qa sapary «Lıter» gazetiniń nazarynan da tys qalmaǵan. Basylymnyń jazýynsha, keshe AQSh-ta aıaqtalǵan ıAdrolyq qaýipsizdik jónindegi jahandyq sammıt Qazaqstan úshin óte sátti ótken. Vashıngtondaǵy alqaly jıyn barysynda Nursultan Nazarbaev álemdik qarýsyzdaný úrdisiniń damýyna zor eńbek sińiretin birqatar bastamalardy ortaǵa salǵan.

Sondaı-aq osy taqyrypty keńinen qaýzaǵan kelesi jarııalanymdy «Kazahstanskaıa pravda» gazetinen de oqı alasyzdar.

«Keshe Astana ákimdiginde ótken keńes kezinde bas qalamyzdyń basshysy Imanǵalı Tasmaǵambetov óz komadasyn eýropalyq beldi uıymnyń bas jıynynyń naqty qaı kezde uıymdastyrylatyndyǵynan «eksklıýzıvti» túrde qulaǵdar etti», dep jazady «Aıqyn» gazeti. Kúzde Astanada Eýropadaǵy qaýipsizdik jáne yntymaqtastyq uıymynyń sammıti ótetindigin jetkizgen ákim «bizdiń bas qalamyzdyń eýropalyq beldi elder basshylary aldyndaǵy tanystyrylymynyń qalaı ótetindiginen búkil memleketimizdiń aıbyny men aıdyny aıqyndalady», depti.

«Shalqar» qaıta shalqysa!». Keshe Parlament qabyrǵasynda tek qazaq tilinde ǵana habar taratatyn respýblıkadaǵy jalǵyz raıotolqynnyń jaıy qaýzaldy. Májilistiń bir top depýtaty jaı ǵana dabyl qaǵyp qana qoımaı, óz ótinishterin depýtattyq saýal túrinde rásimep, Baılanys jáne aqparat mınıstri Asqar Jumaǵalıevke joldaǵan. Bul týrasynda «Aıqyn» gazetiniń beısenilik sanynda egjeı-tegjeıli jazylǵan, nazar salyńyz.

***

Qazirgi ýaqytta qoǵamdy tolǵandyryp turǵan taqyryptardyń arasynda Qazaqstannyń Reseımen, Belarýspen aǵymdaǵy qańtardyń 1-inen bastap Keden odaǵyna birikkeni aldyńǵy qatarda tur. Osyǵan oraı «Astana aqshamy» gazetiniń beısenbilik nómirinde qalyń jurtshylyqty tolǵandyrǵan máselege qatysty Ekonomıkalyq damý jáne saýda mınıstri Janar Aıtjanovamen aradaǵy suhbat «Keden odaǵynan kedergi kelmeıdi» degen taqyryppen berilgen. Ekeýara áńgime barysynda mınıstr «Qazir álemde 12 keden odaǵy Dúnıejúzilik saýda uıymy aıasynda jumys istep jatyr. Eger keıbir azamattarymyzdyń aıtyp júrgenindeı, keden odaqtary táýelsizdikke, egemendikke nuqsan keltiretin, tipti qater tóndiretin bolsa, onda olar mundaı odaqtarǵa nege birigedi? Mundaı odaqtardyń negizgi mindeti - odaqqa múshe elder arasyndaǵy erkin saýdaǵa jáne úshinshi eldermen saýda saıasatyn teń deńgeıde júrgizýge qolaıly jaǵdaı jasaý», depti.

Keshe Astana ákimi Imanǵalı Tasamaǵambetovtiń tóraǵalyǵymen ótken jıyn barysynda qaladaǵy jol jóndeý isi, sondaı-aq ózge de birqatar máseleler talqylanyp, mindetter aıqyndalǵan. Bul jaıynda «Astana aqshamy» gazetinde «Merdigerler mindeti mejelendi» degen taqyryppen berilgen maqaladan egjeı-tegjeıli oqı alasyzdar.

«Qazaqstan Parlamenti men Reseı Dýmasy depýtattarynyń birlesken parlamenttik palatasy Jeńistiń 65 jyldyǵyna oraı ardagerlerge qatysty máseleni talqylady», dep jazady «Nur Astana» gazeti. Basylymnyń atap ótýinshe, Máskeýde mamyrdyń 9-y kúni ótetin Jeńis sherýine Qazaqstannan 32 ardager barady. Olardy ertip baratyn 39 adamǵa da tegin bılet berilmek. Al Astanadaǵy sherýge elimizdiń ár aımaǵynan 175 ardager kelip, olarǵa da týra osyndaı kómek jasalmaq.

***

«Alash aınasy» gazetiniń beısenbilik sanyndaǵy «Dat» aıdarynda jazýshy, qoǵam qaıratkeri, QR Prezıdenti syılyǵynyń laýreaty Sultan Orazaly «Táýelsiz el bolý úshin shetelden keletin BAQ ónimderi 20 paıyzdan aspaý kerek» degen óz usynysyn aıtypty. Sonymen qatar ol «búgingi tańda biz kompıýter men televızııalyq tehnıkany ıgerýde artta qalyp otyrǵanymyz ras. Bul eń aldymen bilim berý salasyndaǵy júıesizdikten. Men keıde derekti fılmder túsirip, montajdaıtyn maman izdeımin. Sonda osy jumyspen tek orys jigitteri aınalysady. Olar aqshany jaqsy tabýda. Eń arzany, bir aýysymda jumys istegenderi kemi 100-200 dollar alady. Olardyń asyp turǵan túgi de joq, orta bilim ıeleri. Al bizdiń jastar nege osyǵan umtylmaıdy?! Qazir úı sharýasyndaǵy áıelge de kompıýter men ınternet qajet bolatyn zaman. Sondyqtan mekteptegi ınformatıka sabaǵyn júıeli túrde tereńdeı oqytyp, mektep bitirýshilerge osy pánnen maman retinde, arnaıy sertıfıkat berilgeni jón. Ol tehnıkýmdy bitirgen orta bilimdi mamandyq retinde baǵalanýy kerek. Jastarymyz ómirge qajetti mamandyqty ıgerý úshin túrli tehnıkýmdar men ýchılışelerdi kóbeıtý kerek. Buryn orta bilim berý baǵytyndaǵy bilim salasy jeke mınıstrlikke qaraıtyn. Al qazir ǵylym men bilimdi qosyp jiberdik. Sodan bastap isimiz ońalǵan joq» dep tushymdy oıyn aıtqan.

«Qaqaǵan qysta baspanalary muz qursaýynda qalǵan Semeıdegi Mırnyı kenti qazir tipten úreı qushaǵynda otyr. Óıtkeni kún jylyǵan saıyn, toń bop qatqan muz aqyryndap erı bastaǵan. Búginde kólikter men adam júretin kóshedegi joldardy shaǵyn kólshikter basqan. Osynyń kesirinen turǵyndarǵa gaz tasıtyn kóliktiń ózi kelmeı jatyr», dep jazady «Alash aınasy» gazeti. «Jyǵylǵan ústine judyryq» degendeı, kári qudań qysta aryq sýymen arpalysqan aǵaıynnyń kóbisi syrqatqa shaldyqqan. Sondaı jandardyń biri jeti balanyń anasy Raýza Mergenbaeva. Kópbalaly ananyń qol-aıaǵynan sýyq ótken. Osy jáne ózge de jaıttar keńinen jazylǵan maqalany oqyǵyńyz kelse basylymnyń búgingi nómirine nazar aýdaryńyz.

«Astana» veloklýby qurylǵaly beri el velosporty aınalasyndaǵy máseleler tolastaǵan emes. Tipti ózektiligi jóninen velosport búginde fýtbol, boks, aýyr atletıka syndy elimizde keńinen qanat jaıǵan sport túrleriniń ózin artta qaldyrǵan sekildi. Al Almatyda jýrnalıstermen baspasóz máslıhatyn ótkizgen Qazaqstan velosport federatsııasynyń jańa bas hatshysy Valentın Rehert otandyq sport súıer qaýymǵa oılana júretin taǵy biraz máselelerdiń tıegin aǵytty», dep jazady «Alash aınasy» gazeti. Velosporttaǵy túıtkildi jaıttar arqaý bolǵan «Velosport qazanyna bastary syımaǵan qaıratkerler» degen maqalany basylymnyń «Doda» aıdarynan oqýǵa bolady.

***

«Keshe Úkimet úıinde QR Premer-Mınıstri Kárim Másimov Qazaqstan Respýblıkasy Táýelsizdiktiń 20 jyldyǵyna ázirlik jáne ony ótkizý jónindegi uıymdastyrý komıtetiniń selektorlyq keńesin ótkizdi» dep jazady «Kazahstanskaıa pravda» gazeti Úkimettiń baspasóz qyzmetine silteme jasap. Uıymdastyrý komıtetiniń keńesine QR Parlamentinyń Májilisi men Senatynyń depýtattary, Prezıdent Ákimshiligi basshylyǵynyń ókilderi, sondaı-aq ortalyq jáne jergilikti atqarýshy organdardyń basshylary qatysty.

«Májilis depýtattary qazaqstandyq avıakompanııalardyń ushaqtarymen ushýǵa qorqady», dep jazady «Vremıa» gazeti. Bul jaıynda halyq qalaýlylary palatanyń sársenbi kúni ótken plenarlyq otyrysyna Kólik jáne kommýnıkatsııa mınıstri Ábilǵazy Qusaıynovqa málim etken.