Nursultan Nazarbaev jyldyń eń myqty daǵdarys-menedjeri - B.Bekturǵanova
ALMATY. Jeltoqsannyń 15-i. QazAqparat / Ádilet Musahaev / - Elimizdiń kórkeıýine kóbirek úles qosqany úshin qazaqstandyq saıasatker tulǵalar arasynda Prezıdent N.Nazarbaev «Jyl saıasatkeri» dep moıyndalyp otyr.
Bul jaıynda Saıası sheshimder ınstıtýtynyń bas dırektory Baqytjamal Bekturǵanova elimizdiń iri qalalarynda júrgizgen qoǵamdyq saýaldyń qortyndysyna arnalaǵan baspasóz máslıhatynda málim etti, dep habarlaıdy QazAqparat.
«Sondaı-aq Elbasy jyldyń eń myqty daǵdarys-menedjeri dep moıyndalyp otyr. Saýal júrgizgende azamattardyń 50 paıyzdan kóbi onyń tıimdi basqarýymen eldegi ekonomıkalyq jaǵdaı turaqtaldy dep tapqan. Aıta ketý kerek, QR Úkimeti soqqyny ustap qala aldy jáne jyl aıaǵynda senimdi ári bıik reıtıngimen shyǵa bildi. QR Premer-Mınıstri Kárim Másimovtyń tulǵalyq kórsetkishi 42 paıyzdy, QR Úkimeti 40,8 paıyzdy quraǵan. Jalpy árbir ekinshi suraý júrgizilgen azamat Úkimetke jáne onyń basshysyna senimdilikpen qaraıtyndaryn jetkizgen», deıdi B.Bekturǵanova.
Sonymen qatar, ol ótip bara jatqan jyldy qortyndylaı kele sátti jyl deýge bolatyndyǵyn aıtty. Suraý júrgizilgen azamattardyń 35 paıyzy «bul aýyr jyl, biraqta biz daǵdarystan shyǵyp ketemiz», dep jaýap bergen.
«Óte mańyzdy oqıǵalar reıtıngisi boıynsha «100 mektep, 100 aýrýhana» baǵdarlamasy kósh bastap tur. Reıtıngtik oqıǵalardyń alǵashqy bestigine «Jol kartasy» baǵdarlamasy, Kedendik odaq qurý, Elbasynyń Qazaqstan halqyna Joldaýy jáne QR Prezıdentiniń el azamattarymen «tikeleı efır» arqyly júrgizgen suhbaty kirip otyr», deıdi bas dırektor.
