Nursultan Nazarbaev joǵary saıası mádenıetti kórsetti - ázerbaıjan sarapshysy

BAKÝ. QazAqparat - Álemdik qoǵamdastyq úshin Nursultan Nazarbaevtyń Qazaqstan Prezıdenti ókilettigin toqtatqany týraly sheshimi shynymen de kútpegen jaǵdaı boldy, dep esepteıdi ázerbaıjandyq saıasattanýshy, Kavkaz tarıhy ortalyǵynyń dırektory Rızvan Gýseınov. Bul týraly QazAqparat tilshisi habarlaıdy.

«Nursultan Nazarbaev joǵary saıası mádenıeti men bılikti berý mádenıetin kórsetti. Sebebi, biz kóptegen elderde, ásirese postkeńestik keńistiktegi memleketterde bıliktiń aýysýy, burynǵy kóshbasshylardyń ketýi jáne jańa basshylardyń kelýi ádette geosaıası kıkiljiń, ishki saıası máseleler jáne áleýmettik dúrbeleńge baılanysty ekenin bilemiz», - dedi sarapshy.

«Qazaqstan Prezıdenti Nursultan Nazarbaev bılikti berýdiń joǵary mádenıetin kórsete otyryp, eldegi bılik ınstıtýtyn damytýdy demokratııalyq jolmen jalǵastyrýǵa jol ashty. Nursultan Ábishuly birqatar qyzmetterdi jalǵastyra beredi jáne onyń keńesteri únemi qajet bolady», - dep atap ótti ol.

Sarapshy Prezıdenttiń mindetin ýaqytsha atqarýshy týraly da aıtty.

«Eldi basqaratyn Qasym-Jomart Toqaev - Nursultan Nazarbaevtyń janynda júrgen tájirıbeli saıasatker. Nazarbaev kásibılerden, sonyń ishinde jas mamandardan quralǵan qarqyndy demokratııalyq komanda qurdy. Bul bizge baýyrlas Qazaqstannyń óz damýyn jalǵastyratynyna senim beredi. Qazaqstandaǵy bılikti berý basqa elderge de úlgi bolady», - dep túıindedi ol.