Nursultan Nazarbaev «ıAndeks» kompanııalar tobynyń jetekshisimen kezdesti

ASTANA. QazAqparat - Qazaqstan Prezıdenti «ıAndeks» kompanııalar tobynyń jetekshisi Arkadıı Volojben kezdesti, dep habarlaıdy Aqordanyń baspasóz qyzmeti.

Nursultan Nazarbaev Arkadıı Volojdyń Qazaqstannyń týmasy jáne onyń TMD-daǵy tsıfrlyq ekonomıkany alǵash qolǵa alǵandardyń biri ekenin atap ótti.

Memleket basshysy tsıfrlandyrý salasynda reseılik kompanııalarmen birlese jumys júrgizýdiń mańyzdylyǵyna toqtalyp, Almatyda taqyryptyq forým ótkenin aıtty.

A.Voloj Reseıde de, Qazaqstanda da jahandyq jáne jergilikti kompanııalar bir naryqta ashyq jumys júrgizý úshin qalyptasqan qolaıly jaǵdaıdy paıdalana bilý kerektigin atap ótti.  

Áńgimelesý barysynda taraptar ІT-hab jáne «Astana» halyqaralyq qarjy ortalyǵy aıasyndaǵy yntymaqtastyq máselelerin de talqylady.