Nursultan Nazarbaev ıadrolyq qaýipsizdik sammıtin Astanada ótkizýdi usyndy

ASTANA. QazAqparat - Qazaqstan ıadrolyq qaýipsizdik sammıtin Astanada ótkizýge daıyn. Bul týraly búgin Qazaqstan aýmaǵynda qurylǵan Halyqaralyq tómen baıytylǵan ýran bankin resmı ashý saltanatynda Elbasy Nursultan Nazarbaev aıtty, dep habarlaıdy QazAqparat. 

«AQSh bastamasymen ótkizilgen ıadrolyq qaýipsizdik jónindegi jahandyq sammıttiń keleshegi de ashyq qalyp otyr. Mundaı birneshe forýmǵa jeke ózim de qatysqan edim. Qazaqstan ıadrolyq qaýipsizdik jónindegi jahandyq sammıtti qaıta jańǵyrtý úshin ony elordamyz - Astanada ótkizýge daıyn», - dedi Qazaqstan Prezıdenti.

Esterińizge sala ketsek, ıAdrolyq qaýipsizdik jónindegi birinshi sammıt 2010 jyldyń sáýir aıynda Vashıngtonda ótken bolatyn. Halyqaralyq sharaǵa 47 eldiń ókili, onyń ishinde 38 memleket jáne úkimet basshysy, sonymen qatar BUU, MAGATE, EO syndy halyqaralyq uıymdardyń basshylary qatysqan edi. Sammıtte ıadrolyq qaýipsizdikti kúsheıtý, ıadrolyq terrorızm qaýpiniń aldyn alý syndy máseleler keńinen talqyǵa tústi.