Nursultan Nazarbaev xalyqty tsıfrlandyrýǵa jappaı oqytýdy tapsyrdy
«Dáýren Áskerbekuly (Aqparat jáne kommýnıkatsııalar mınıstri - avt.), teledıdarda, ortalyq jáne oblystyq gazetterde tsıfrlandyrý boıynsha arnaıy aıdarlardy ashý qajet. Tsıfrlandyrýdyń nátıjesi qandaı? Ne istedik? Qandaı jobany iske asyrdyq? Jalpy, tsıfrlandyrý degenimiz ne? Bylaısha aıtqanda, bizge jappaı oqytý sharalaryn qolǵa alý qajet pe?», - dedi N.Nazarbaev Úkimettiń keńeıtilgen otyrysynda.
Prezıdenttiń aıtýynsha, tsıfrlandyrý máselesin mektep qabyrǵasynan bastap keńinen túsindirý kerek. Sebebi qazirgi jastar bolashaqta osy jumyspen tyǵyz aınalysady.
«Bolashaqta olardyń barlyǵy osy salada jumys isteıdi. 2030 jylda múldem basqa ekonomıka bolady. Soǵan daıyn bolýymyz qajet. Qazir bilim salasyn ylǵı synaıdy. Reformalar kóp deıdi. Biraq basqa amalymyz joq. Balalar ózdigimen oılap, sheshim qabyldaýǵa úırenýi kerek. Bárin jattap alyp, emtıxan tapsyra salý - ol keshegi zamannyń talaby. Sondyqtan qazirgi tsıfrlandyrýdy keńinen túsindirýimiz ári úıretýimiz kerek», - dep atap kórsetti Memleket basshysy.