Nursultan Nazarbaev Vladımır Pýtındi týǵan kúnimen quttyqtady
ASTANA. QazAqparat - Qazaqstan Prezıdenti Nursultan Nazarbaev Reseı basshysy Vladımır Pýtındi týǵan kúnimen quttyqtady. Eki el kóshbasshylary telefon arqyly sóılesti.
RF Prezıdentiniń baspasóz qyzmeti jáne aqparat basqarmasy habarlaǵandaı, Reseı Federatsııasynyń Prezıdenti Vladımır Pýtındi týǵan kúnimen kóptegen shetel memleketteriniń basshylary quttyqtaǵan.
Hat arqyly joldanǵan quttyqtaýlardan bólek, birqatar telefon arqyly quttyqtaǵandar boldy. V.Pýtın Qazaqstan Respýblıkasynyń Prezıdenti N.Á.Nazarbaevpen, Belarýs Respýblıkasynyń Prezıdenti A.G.Lýkashenkomen, Azerbaıjan Respýblıkasynyń Prezıdenti I.G.Alıevpen, Japonııanyń Premer-mınıstri S.Abemen, Armenııa Respýblıkasynyń Prezıdenti S.A.Sargsıanmen jáne Italııa Respýblıkasynyń mınıstrler keńesiniń burynǵy tóraǵasy S.Berlýskonımen sóılesti. Áńgime barysynda halyqaralyq kún tártibindegi ózekti máseleler men ekijaqty yntymaqtastyq máseleleri talqylandy.
Seısenbi kúni, 7 qazanda, V.Pýtın 62 jasqa toldy.
