Nursultan Nazarbaev Vatıkannyń papalyq keńesine syılyq tabys etti

ASTANA. QazAqparat - Qazaqstan Prezıdenti Vatıkannyń papalyq keńesine «Dinaralyq dıalogqa úles qosqany» úshin syılyǵyn tabys etti, dep habarlaıdy QazAqparat tilshisi.

«Bizdiń birlese kúsh sala otyryp, atqarar basty sharýamyz týraly taǵy bir márte aıta ketýge ruqsat etińizder. Jahandyq deńgeıde oılaý paradıgmasyn qaıta qosyp, konfrantatsııadan kooperatsııaǵa kóshýimiz kerek. Kúshtik egoızm men áleýmettik nıgılızmnen, ekonomıkalyq ultshyldyqtan - jaýapkershiligi zor oıly kompromısterdiń jolyn izdeýge kóshken abzal. Jiti bólektený órisiniń beti qaıtarylýy tıis. Bul mindetterdiń aýqymyn jaqsy túsinip otyrmyn. Biraq, osy rette rýhanı sala qanshalyqty mańyzdy ról atqaratynyn da bilemin. Din - qashan da mádenıet men qoǵamdyq qarym-qatynasty qalyptastyratyn kúshtiń irgetasy bola bilgen. Qazir de din men onyń lıderleriniń yqpaly qala beredi», - dedi Prezıdent Álemdik jáne dástúrli dinder kóshbasshylarynyń  VI sezinde.

Nursultan Nazarbaev órkenıetterdiń qaqtyǵysy - adamzattyń qalaýy emes ekenin tilge tıek etti.

«Bárin ózgertý óz qolymyzda. Kúshimizdi biriktirip, garmonııalyq álemdik tártipti izdeý kerek. Buryn adamzattyń tarıhynda búgingideı dinderdiń arasyndaǵy kópirdi ornatý jumysy iske asyrylmaǵan. Bizdiń forým - yntymaqtastyq ornatýdyń jańa júıesin qalyptastyrady. Búgingi tańda bizge álemdik perspektıva turǵysynda oı almasýǵa múmkindik týyp otyr», - dedi Prezıdent.

Sóz sońynda Nursultan Nazarbaev «Dinaralyq dıalogqa úles qosqany» úshin syılyǵyn Vatıkannyń papa keńesine syılyǵyn tabys etti.

Eske sala ketsek, elordada QR Prezıdenti Nursultan Nazarbaevtyń tóraǵalyǵymen Álemdik jáne dástúrli dinder kóshbasshylarynyń  VI sezi ótip jatyr.