Nursultan Nazarbaev Túrkistandaǵy qolónershiler jármeńkesin tamashalady

TÚRKІSTAN. QazAqparat – Túrkistanǵa jumys saparymen kelgen Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev «Craftsman-2019» halyqaralyq qolónershiler jármeńkesin tamashalady. Respýblıka deńgeıinde alǵash ret uıymdastyrylǵan sharaǵa elimizben qatar alys-jaqyn shetelden qolónershiler qatysýda, dep habarlaıdy QazAqparat tilshisi.

Elbasy jármeńkege qoıylǵan buıymdardy aralap kórip, qolónershilerdiń eńbegine dán rıza boldy.

Aıta keteıik, buǵan deıin habarlaǵanymyzdaı, halyqaralyq deńgeıde uıymdastyrylǵan sharaǵa Iran, Úndistan, Reseı Federatsııasy, Aýǵanstan, Ózbekstan, Túrkııa, Qyrǵyz Respýblıkasy, Ázerbaıjan, Tájikstan, Bashqurtstan, ıAkýtııa elderinen 200-ge jýyq qolónershi qatysýda. Aýqymdy sharaǵa sonymen birge QR «Qolónershiler birlestigi», Nur-Sultan qalasynan «Qadam» óner ortalyǵy, «Deshti Art» birlestigi, «Ázirbaıjan Respýblıkasy Prezıdenti janyndaǵy Azamattarǵa qyzmet kórsetý jáne áleýmettik ınnovatsııa memlekettik agenttigi janyndaǵy ABAD» qoǵamdyq quqyqtyq zańdy tulǵasy men Qyrǵyzstan Respýblıkasynyń «Alash» qolónershiler birlestigi de arnaıy shaqyrylǵan.

Halyqaralyq jármeńkeniń maqsaty - ulttyq qolónerdi damytý arqyly Uly Jibek joly boıyndaǵy Túrkistan qalasyn álemdik deńgeıdegi iri ulttyq qolóner ortalyǵyna aınaldyrý men etnıkalyq týrızmdi órkendetý.

Іs-shara aıasynda alasha toqýdan, keramıka, teri, temir jáne shynydan qolóner buıymdaryn jasaý boıynsha sheberlik sabaqtary men qazaqtyń ulttyq kıimderiniń kórsetilimi boldy.