Nursultan Nazarbaev Túrkistanda ákimshilik-iskerlik ortalyqtyń qurylysymen tanysty

NUR-SULTAN. QazAqparat - Elbasy Túrkistan oblysy ákimdiginiń jańa ǵımaratynda bolyp, Túrkistan qalasynyń rýhanı-mádenı ortalyǵyn qaıta qurý jumystary boıynsha aralyq nátıjelerimen tanysty, dep jazady QR Tuńǵysh Prezıdentiniń resmı saıty.

Sonymen qatar, sapar barysynda Nursultan Nazarbaevqa Nur Otan partııasynyń qoǵamdyq qabyldaýynyń jumysy týraly aqparat berildi.

Sondaı-aq, Elbasyǵa týrızm ındýstrııasyn damytý, sý jáne azyq-túlik qaýipsizdigin qamtamasyz etý salasyndaǵy jobalar tanystyryldy. Qazaqstannyń Tuńǵysh Prezıdentine bolashaq «Túrkistan» halyqaralyq áýejaıynyń jáne 600 oryndyq kópbeıindi aýrýhananyń úlgileri kórsetildi.

Sonymen birge, Nursultan Nazarbaevqa oblys ortalyǵynda ınfraqurylymdyq jobalardy iske asyrýdyń nátıjeleri týraly málimet usynyldy.