Nursultan Nazarbaev Túrki keńesiniń bas hatshysy Baǵdat Ámireevti qabyldady

NUR-SULTAN. QazAqparat - Qazaqstannyń Tuńǵysh Prezıdenti Túrkitildes memleketter yntymaqtastyǵy keńesiniń Bas hatshysy Baǵdat Ámireevti qabyldady, dep habarlaıdy Elbasy.kz.

Kezdesý barysynda Nursultan Nazarbaevqa 15 qazanda Bakýde ótetin Túrki Keńesiniń 7-shi Sammıtine daıyndyq barysy týraly aqparat berildi.

– Men Prezıdent Ilham Álıevpen kezdestim. Ol Sizge izgi tilekterin jetkizýdi ótindi. Sonymen qatar, men Túrki áleminiń basqa da kóshbasshylarymen kezdestim. Olar da Sizge zor rızashylyǵyn bildirip, jyly lebizin joldap jatyr, - dedi B.Ámireev.