Nursultan Nazarbaev týrızmniń qytaılyqtarǵa tartymdy baǵyttaryn atady

BEIJІŃ. QazAqparat -Búgin Qytaıǵa memlekettik sapary aıasynda osy eldiń bıznes kapıtandarymen kezdesken Elbasy Nursultan Nazarbaev Qazaqstandaǵy sheteldik týrıster úshin tartymdy baǵyttardy atady, dep habarlaıdy QazAqparat tilshisi.

«Týrızmdi damytýǵa basa mán beriledi. Týrıstik salany damytý tujyrymdamasy qabyldandy. Bul saladaǵy yntymaqtastyqtyń basymdyqqa ıe baǵyttarynyń qatarynda ańshylyq, balyq aýlaý, mádenıet, bilim berý, medıtsına jáne kınotýrzım salalary bar dep esepteımiz», - dedi Nursultan Nazarbaev.

Aıta keteıik, Elbasy Nursultan Nazarbaev Qytaıǵa memlekettik saparmen kelip, keshe QHR Tóraǵasy Sı Tszınpınmen keńeıtilgen quramda kelissózder ótkizdi.

Nátıjesinde birneshe qujatqa qol qoıyldy.

Sonymen qatar Memleket basshysy QHR Memlekettik keńesiniń premeri Lı Ketsıanmen júzdesti.

Al 10 maýsym kúni QR Prezıdenti Tsındao qalasynda ótetin Shanhaı yntymaqtastyq uıymyna múshe memleketter basshylarynyń keńesine qatysady dep kútilýde.