Nursultan Nazarbaev Tramptyń Pýtınmen qarym-qatynasy týraly aıtyp berdi

ASTANA. QazAqparat - Qazaqstan Prezıdenti Nursultan Nazarbaev Reseı men AQSh basshylary Vladımır Pýtın men Donald Tramp jaıly ne oılaıtynyn aıtty, dep habarlaıdy «QazAqparat» HAA tilshisi.

«Álbette, men bizge jaqyn sanalatyn Reseımen qarym-qatynas týraly suraı almadym. Bul týraly alǵashqy áńgimemiz óte sátti boldy (...) Men Reseı men Reseıdiń basshysyn Batystyń jóndi qabyldamaıtynyn, shynynda, ol múlde bólek adam ekenin tike aıttym. Sol kezde ol maǵan: «Sen bilesiń ǵoı, biz Germanııada Pýtınmen kezdestik. Endigi kezekte bári jaǵdaıǵa baılanysty» dep jaýap berdi. Ondaǵy da, bizdegi de jaǵdaıǵa baılanysty ekeni belgili. Biraq, menińshe, bul relsten aýytqyp, qarym-qatynasty túzeýge bolatyn sekildi», - dedi Nursultan Nazarbaev Aqordada otandyq jáne sheteldik tilshilermen ótkizgen baspasóz máslıhaty barysynda.

Prezıdent sondaı-aq, eki eldiń qarym-qatynasy retteler degen senim bildirdi.

«Ol (Donald Tramp) Reseıdiń úlken memleket ekenin aıtqan edi. Áıteýir bir kúni biz bul suraqty sheshemiz. Sózsiz, AQSh pen Reseı eń iri ıadrolyq derjava ekeni belgili. Álemdik máselelerdi Reseısiz de jáne AQSh-syz da sheshýge bolmaıdy. Sondyqtan, aıaǵynda bul pozıtsııa jaǵymdy jaqqa qaraı ózgerer dep oılaımyn», - dedi Memleket basshysy.

Buryn habarlanǵanyndaı, Qazaqstan Respýblıkasynyń Prezıdenti, AQSh basshysy Donald Tramppen bolǵan áńgimeniń mán-jaıyn aıtyp bergen edi.