Nursultan Nazarbaev temir jol tranzıtiniń áleýetin arttyrýdy tapsyrdy

NUR-SULTAN. QazAqparat – Elbasy Nursultan Nazarbaev «Qazaqstan temir joly» UK» AQ basqarma tóraǵasy Saýat Myńbaevqa Qazaqstannyń temir jol tranzıtiniń áleýetin arttyra berýdi tapsyrdy, dep habarlaıdy QazAqparat tilshisi.

«Qazaqstanda tranzıttik baǵdarlar qıyn kezeńde salyndy. Ósim men tıimdiligin, múmkindigin kórsetip jatyr. Bul jumysty jalǵastyrý kerek. Tranzıttiń arqasynda 5 mlrd dollarǵa deıin tabys taba alamyz. Seriktestermen árdaıym jumysty jalǵastyra berý kerek. Jeńil tranzıtke múmkindikti jasaý kerek», - dedi Elbasy Nursultan Nazarbaev «Samuryq-Qazyna» keńesiniń otyrysynda.

Óz kezeginde «Qazaqstan temir joly» UK» AQ basqarma tóraǵasy Saýat Myńbaev kelesi konteınerlik tranzıttik baǵdardyń biri – Iran baǵyty ekenin jetkizdi.

«Munda aýqym aıtarlyqtaı úlken emes. Alaıda ótken jylǵa qaraǵanda dınamıka 2 ese ósti. Osy baǵdardyń bári de Qazaqstan aýmaǵy arqyly ótedi. Osylaısha Aqtaý portyna da paıdasyn tıgizip otyr. Jalpy TMD aıasynda júk tasymaly azaıyp bara jatyr. Al buǵan deıingi teńiz nemese áýe arqyly keletin tasymaldyń kóbi qazir temirjolǵa oıysyp barady», - dedi Saýat Myńbaev.