Nursultan Nazarbaev Tatarstandaǵy qaıǵyly oqıǵaǵa baılanysty kóńil aıtty

NUR-SULTAN. QazAqparat - Elbasy Qazan qalasyndaǵy qaıǵyly oqıǵaǵa baılanysty kóńil aıtty. Bul týraly QazAqparat elbasy.kz saıtyna silteme jasap habarlaıdy.

Qazaqstannyń Tuńǵysh Prezıdenti Tatarstan astanasyndaǵy mektepke qarýly shabýyl jasalyp, adamdardyń qaza tabýyna baılanysty Reseı Federatsııasynyń Prezıdenti Vladımır Pýtınge kóńil aıtý jedelhatyn joldady.

«Qazan qalasynyń №175 mektebinde bolǵan tragedııa saldarynan balalar men eresek adamdardyń opat bolǵany týraly qaıǵyly habardy kúızelispen qabyldadym.

Qaza tapqandardyń týystary men jaqyndarynyń qaıǵysyna ortaqtasyp, kóńil aıtamyn. Zardap shekkenderdiń tezirek saýyǵyp, otbasylaryna oralýyna tilektespin», – delingen jedelhatta.

Eske salsaq, №175 Qazan gımnazııasynda bolǵan atys kezinde 8 adam qaza tapty, 21 adam túrli aýrýhanada jatyr.

Qaıǵyly jaǵdaıǵa baılanysty Tatarstan Prezıdenti Rýstam Mınnıhanov 12 mamyrdy respýblıkada aza tutý kúni dep jarııalady.

Eske sala keteıik, 11 mamyrda Qazan qalasyndaǵy Faızı kóshesindegi mektepte belgisiz eki adam oq jaýdyrǵan bolatyn.