Nursultan Nazarbaev tálimgerin eske aldy

ASTANA. QazAqparat - QR Prezıdentiniń teleradıo kesheni Elbasy Nursultan Nazarbaevtyń ómir jolyna qatysty derekti fılmniń úzindisin jarııa etti, dep habarlaıdy QazAqparat tilshisi.

Jarııa etilgen vıdeoda Memleket basshysy Dneprodzerjınskııde metallýrg mamandyǵyna tárbıelegen tálimgeri Dmıtrıı Pogorelovti eske alady. Sebebi Elbasy halyqpen kezdesýi barysynda tálimgeriniń qyzymen júzdesedi.

«Dmıtrıı Izotovıch adam qylyp shyǵardy desem bolady. Jańaǵy jerde  sheberimizdiń qyzy boldy. Sol kisiniń salyp bergen joly, osy jerden alǵan tálim-tárbıe  búkil ómirlik jolyma áser etti dep aıtýǵa bolady», - dedi Nursultan Nazarbaev.

QR Prezıdentiniń esteligine qaraǵanda,  Dmıtrıı Pogorelov óziniń ár shákirtine naqty sıpattama berip, ony qandaı qabileti bar ekendigin bilip otyrǵan. Máselen, ol kezinde Nursultan Nazarbaevqa Premer-Mınıstr bolasyń degen eken.