Nursultan Nazarbaev Sultanovqa: Úshinshi eskertý jaman bolady
ASTANA. QazAqparat - Qazaqstan Prezıdenti Nursultan Nazarbaev elimizdiń Qarjy mınıstri Baqyt Sultanovty memleket qarjysyn tıimsiz bólgeni úshin synady, dep habarlaıdy QazAqparat.
«Bir márte memleket qarjysyn tıimdi paıdalaný jolyn izdeý qajettigin aıtqan edim. Endi mine ekinshi eskertý berip otyrmyn. Baıqa, úshinshisi saǵan jaman bolady», - dep eskertti Elbasy búgin úkimettiń keńeıtilgen májilisi barysynda mınıstrge.
«Bizdiń barlyǵymyz memlekettik qyzmetshimiz. Memleketke, halyqqa qyzmet etýimiz qajet. Endeshe qyzmet eteıik. Memlekettiń árbir tıynyn únemdeý kerek. Ysyrap bolmaýy tıis. Munymen jalǵyz aınalysýym kerek pe? Sizderge bıýdjet berildi. Sizder qalaı únemdeý kerektigin oılaýǵa tıissizder. Eger únemdeıtin bolsa, onda olarǵa bólý qajet. Dál osylaı kadr máselesinde de. Eger mınıstrlik, vedomstvo qyzmetshilerdiń 10 paıyzyn qysqartsa, aqshany úzdik jumysqa tóleý úshin, jalaqysyn kóterý úshin qaldyramyz», - dep atap ótti Memleket basshysy.
