Nursultan Nazarbaev sýarmaly egistik jerlerin arttyrýdy júktedi

ASTANA. QazAqparat - Búgin Úkimettiń keńeıtilgen quramdaǵy otyrysynda Elbasy Nursultan Nazarbaev sýarmaly egis alqaptarynyń aýmaǵyn arttyrýdy júktedi, dep habarlaıdy QazAqparat.

Otyrys barysynda QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev elimizdiń soltústik óńirlerinde sýarmaly jerlerdi kóbeıtýge qatysty sharalar iske asyrylatynyn baıandady.

Osy rette Elbasy kóktemde erigen qar sýy birqatar oblysta jaıylyp ketetinin, bul turǵyda sý jınaıtyn nysandar salý kerektigin tapsyrdy.

«Kezinde elimiz aımaǵynda qudyqtar sany kóp boldy, ár qudyqtyń tóńireginde otar-otar qoı ósiriletin. Osy baǵyttaǵy jumystardy qolǵa alý kerek. Jalpy, aýyl sharýashylyǵy ónimin arttyrýǵa sýarmaly egistikterdiń úlesi mol bolady», - dedi N. Nazarbaev.

Osy oraıda Ómirzaq Shókeev qudyqtardyń aınalysynda mal sharýashylyǵyn damytý sharalary iske asyrylatynyn atap ótti.

«Qazir bul nysandardy qalpyna keltirip jatyrmyz. Bizdegi úlken rezerv mal sharýashylyǵynda jatyr. 1 mln tonna bıdaıdy satsaq, 150 mln dollar tabys alamyz. Al iri qara mal etin ótkizgen kezde 1 mlrd dollar shyǵarýǵa bolady. Taýyq jumyrtqasynyń ózi bıdaıdan úsh ese artyq tabys ákeledi», - dedi Aýyl sharýashylyǵy mınıstri.

Prezıdent aýyl sharýashylyǵy ónimderin óndirýdiń tıimdi baǵyttaryn tyńǵylyqty pysyqtaý qajettigin júktedi.

«Bizdiń bıdaıdy eksporttaıtyn naryqtar alysta ornalasqan. Elimizde kóktemde bıdaıdy seýip tastaıdy da, kúzde oryp alady. Sodan keıin qys boıy shalqaıyp otyrady. Osy turǵyda tynymsyz jumys istep jatyrmyz dep oılaıdy. ıAǵnı sharýashylyqtaǵy ónimdilikti arttyrýdy oılamaıdy», - dedi Elbasy.