Nursultan Nazarbaev Soltústik Qazaqstan oblysyndaǵy aýyl sharýashylyq keshenin aralap kórdi

PETROPAVL. QazAqparat - QR Prezıdenti Nursultan Nazarbaev Soltústik Qazaqstan oblysy Taıynsha aýdanynda «Agrofırma Eksımnan» jaýapkershiligi shekteýli seriktestiginiń aýyl sharýashylyǵy keshenin aralap kórdi, dep habarlaıdy QazAqparat Aqordanyń baspasóz qyzmetine silteme jasap.

Elbasy oblystyń aýyl sharýashylyǵy alqabyn aralap kórip, egin orý naýqanyna daıyndyq barysymen tanysty, sondaı-aq bıyl Soltústik Qazaqstan oblysynyń mol astyq jınaıtynyna senim bildirdi.

Qazaqstan Prezıdenti óńir sharýalarymen áńgimelesý barysynda aýyl sharýashylyǵy ónimin ártaraptandyryp, mal sharýashylyǵyn damytý qajettigin atap ótti.

   «Bul jetistiktermen toqtap qalmaı, óndiriske ǵylymı jáne tsıfrlyq tehnologııalardy engizý kerek. Qaıta óńdeý salasyn damytpaı, eńbek ónimdiligin arttyrý múmkin emes», - dedi Nursultan Nazarbaev.

Kásiporyndar jetekshileri elimizdiń aýyl sharýashylyǵy ónimderin óndirýshiler men agrarlyq sektorǵa memleket tarapynan qoldaý kórsetilip jatqany úshin Qazaqstan Prezıdentine alǵys bildirdi.

Sonymen qatar, Memleket basshysy oblys zaýyttarynda qurastyrylatyn traktorlar, kombaındar jáne basqa da astyq jınaýǵa arnalǵan tehnıkalar qoıylǵan aýyl sharýashylyǵy kórmesin aralap kórdi.