Nursultan Nazarbaev Slovenııanyń burynǵy Prezıdenti Danılo Tıýrkpen kezdesti

ASTANA. QazAqparat - Qazaqstan Respýblıkasynyń Prezıdenti Nursultan Nazarbaev Slovenııa Respýblıkasynyń burynǵy Prezıdenti Danılo Tıýrkpen kezdesti, dep habarlaıdy QazAqparat Aqordanyń baspasóz qyzmetine silteme jasap.

Kezdesý barysynda Nursultan Nazarbaev Danılo Tıýrkke Astana klýbynyń otyrysyna qatysqany úshin rızashylyq bildirdi.

D.Tıýrk Qazaqstan Prezıdentine elimizge taǵy bir márte kelýge múmkindik týǵyzǵany úshin alǵys aıtyp, onyń Astanaǵa jasaǵan ótken saparlary barysyndaǵy ózara is-qımyl nátıjeleri jemisti bolǵanyn atap ótti.

Slovenııa Respýblıkasynyń burynǵy Prezıdenti Astana protsesi aıasynda ótip jatqan Sırııa jónindegi beıbit kelissózderdiń mańyzdylyǵyn aıtyp, Qazaqstannyń halyqaralyq uıymdardyń, sonyń ishinde BUU Qaýipsizdik Keńesiniń jumysyna belsendi atsalysqanyna nazar aýdardy.