Nursultan Nazarbaev Sı Tszınpınnen qandaı syılyq alǵanyn aıtty

TsINDAO. QazAqparat - Búgin Qytaıǵa memlekettik saparyn qorytyndylap, qazaqstandyq BAQ ókilderine suhbat bergen QR Prezıdenti Nursultan Nazarbaev QHR tóraǵasy qandaı syılyq bergenin aıtty, dep habarlaıdy QazAqparat tilshisi.

«Ádette memleket basshylary bir nárse syılap jatady. Eger maǵan ne syılaǵanyn bilgilerińiz kelse mýzeıge baryńyzdar. Sonda barlyǵy tur, bireýler vaza syılaǵan. Bul jerde de ádemi vazalar syılap jatady. Kitaphanada Prezıdent mýzeıi bar (Astanadaǵy Elbasy kitaphanasy). Barlyǵy sol jerge tabystalady. Keshe maǵan 15 metrlik jibek mata syılady. Onda qytaı taýlary beınelengen, jazý bar. Ony da tapsyramyn. Mundaı tájirıbe bar, áńgime qymbat, baǵasynda emes. Muny aıtý ádepke jatpaıdy. Eń mańyzdysy kóńil aýdarý. Men qoraptaǵy taý barysynyń kúmis beınesin syıǵa tarttym», - dedi Elbasy.

Nursultan Nazarbaev Qytaı Tóraǵasynyń Reseı Prezıdentine orden bergenin aıtty.

«Mundaı jaǵdaıda Reseı Prezıdentine barlyǵymyz qoldaý kórsetýimiz qajet. Men qoldaý kórsetý úshin fýtbol oıyndarynyń ashylýyna baramyn. Ádette fınaldyq oıynǵa baryp jatady. Al men qolaý úshin baramyn. Keıbireýler narazylyq tanytyp jatyr. Al biz jaqyn dospyz, barýymyz qajet. Memleket basshylarynyń arasyndaǵy qarym-qatynas ártúrli qalyptasyp jatady. Dostyq qarym-qatynas dostyqty týyndatady. Saıasatkerlerdiń dostyǵy mahabbat emes», - dedi Memleket basshysy.