Nursultan Nazarbaev: «Shahnamanyń» SD-dısk bolyp basylýy halqymyzdyń álemdik mádenı muralardyń zerttelýine degen qyzyǵýshylyǵyn arttyra túsedi
ASTANA. 13 jeltoqsan. QazAqparat - Qazaqstan Respýblıkasynyń Prezıdenti Nursultan Nazarbaev búgin Astanada ótken «Shahnama» dastanynyń aýdıonusqasynyń tusaýkeserine jınalǵan áleýmetke arnaıy quttyqtaý sóz joldady.
Elbasynyń sózin QR Premer-Mınıstriniń orynbasary Gúlshara Ábdiqalyqova oqyp berdi.
«Ár halyqtyń álemdik mádenıettiń injý-marjany sanatyna enetin óz ulttyq qundylyqtary bolady. Solardyń qatarynda tek Irannyń ǵana jazba eskertkishi emes, halyqaralyq ádebıettiń ıgiligi sanalatyn «Shahnama» dastany da bar. Parsy-túrik halyqtarynyń tereń tarıhyna úńilýge múmkindik beretin, ony dáıekti túrde jáne kórkem baıandaıtyn bul týyndyny zerttep-zerdeleýdiń mańyzy óte zor», - delingen quttyqtaý sózde.
Prezıdenttiń aıtýynsha, SD-dısk basylymynyń jaryq kórýi arqyly «Shahnamanyń» qazaq halqynyń aýyzeki mýzykalyq-epıkalyq dástúri aıasynda jańa ǵumyry bastalyp otyr. «Bul halqymyzdyń áıgili dastanǵa jáne jalpy álemdik mádenı muralardyń zerttelýine degen qyzyǵýshylyǵyn arttyra túsedi dep senemin», - deıdi ol.
