Nursultan Nazarbaev Reseıde ótetin prezıdenttik saılaýǵa qatysty pikir bildirdi
Elbasy Reseı Qazaqstannyń jaqyn kórshisi ekenine, eki eldiń arasynda tyǵyz baılanystar ornaǵanyna toqtala kele: «Sondyqtan da osy qarym-qatynastardy saqtaýǵa múddelimiz. Osy oraıda bul jaqyn baılanystardy eskere otyryp, reseılik áriptestermen ózara keńes berip nemese keńes alyp júretin kezder bolady. ıAǵnı, ortaq maqsattarǵa qatysty sheshim shyǵaramyz», - dedi.
Sonymen qatar, Memleket basshysy RF Prezıdenti Vladımır Pýtınniń 2018 jyly jańa prezıdenttik merzimge saılaýǵa túsýine qatysty pikir bildirdi.
«Bul qalypty saılaý protsesi. Vladımır Pýtın RF prezıdenti saılaýyna qatysatyndyǵyn jarııalady. Men oǵan sáttilik tileımin. Barlyq málimetter boıynsha ol jeńiske úmitker dep sanaımyn jáne bul durys. Qazirgi qıyn kezeńde, ıaǵnı Reseı osyndaı qysymǵa túsip jatqan ýaqytta Pýtın memleket qaıratkeri ári Prezıdent retinde osynyń barlyǵyna tótep berýde, sondaı-aq halqyn alǵa jetelep keledi», - dedi Nursultan Nazarbaev.
Eske sala ketsek, Vladımır Pýtınniń ókilettik merzimi 2018 jyly aıaqtalady.
Aıta keteıik, 22 jeltoqsan kúni Elbasy Nursultan Nazarbaev elimizdegi jetekshi BAQ ókilderine 2017 jyldy qorytyndylaýǵa arnalǵan suhbat berdi. Onda qazaq qoǵamyndaǵy eleýli ózgerister men ózekti máseleler týraly jýrnalıster suraǵyna jaýap berdi. Atalmysh suhbattyń televızııalyq nusqasy 25 jeltoqsanda respýblıkalyq telearnalardyń efırinen kórsetildi.
